مــــــــــــــاذا لـــــــــــــــــــو؟؟؟؟

هتعمل ايه لو نمت و صحيت تاني يوم لقيت الناس ضمايرها صحيت؟

الريس قدم أستقالته وطلب م الناس انها تسامحه وعليهم أنتخاب رئيس
والوزارة أعلنت عدم كفائتها فى قيادة البلد ورفع المعناة عن الناس
والموظف المرتشى تاب وخلص أوراقك بسرعه
وأمين الشرطه حررلك مخالفه ولما جيت تأبضه زعق وقالك أنت بترشينى
أنت ما عندكش ضمير لولا حرام كنت عملتلك محضر رشوة
وواحد سبيته فى الشارع لما أتخبط فيك رد وقالك الله يسامحك
وبلطجى رأيته بيتوضأ وبيستعد للصلاة
وحشاش بيوزع صدقات على باب الحارة
وبنت ليل تابت وأعتكفت وحرمت على نفسها الخروج
وناظر مدرسه منع نهائى الدروس الخصوصية وأعلن معاقبة أى مدرس
لا يشرح بضمير
وعميد أحدى الكليات رفض وأبى أن أن يستخدم سلطته وأعطاء درجه معيد لآبنه
وحرمان طالب آخر أحق
ونمت وصحيت ما لقيتش ناس بتسب الدين والمله وبقول لبعضها صباح الخير

ولقيت الشوارع مكنوسه ومفيهاش مطبات ومحدش بيرمى الزباله فى الشارع
نمت وصحيت ما لقيتش فيه تعصب ولا شد وجذب بين الناس

يا ترى حا يكون شعورك آييه
أرجوا أن تصف أو تصفى شعورك بأمانه

ياااااااااااااااااااااه يا نور دي الدنيا هتبقي احلي بكتير

و مصر هترجع مصر ام الدنيا بلد الامان و الحب و السلام

ياريت يحصل كده ميرسي يا نور علي الموضوع الرائع

ميرسي يا خالد عالمرور و اكيد مصر هتبقي حاجه تانيه بس فين و امته و ازاي الله اعلم

يااااااااااااااااااااه لو حصل يانور هتبقي مصر 100/100 وكل الناس هتحب بعضها

بس اظن عمرها ما هتحصل ابدا

بس تسلم ايدك

جميل جداااا لو حصل الكلام ده بس ان شاء الله فين ده ولا يحصل في اي بلد لان احنا فين الوحش وفينا الحلو وعمرنا مانكون كل صالحين هيا الدنيا كده ولازم تمشي كده فيها المر وفيها الحلو

بس الايام دي


المر اكتر


تسلم ايدك يا مروه